| పల్లవి: |
| ఇశ్రాయేలును కాపాడు దేవుడు కునుకడు నిద్రపోడెన్నడు (2X) |
| అను పల్లవి: |
| భూమి మారినా జలములు పొంగినా కొండలు కదిలినా భయము లేదుగా |
| మారని దేవుడు విడువని నాధుడు యేసు ప్రభువె మాకు తోడుగుండగా |
| ...ఇశ్రాయేలును... |
| 1. |
| ఇత్తడి తలుపులను ఇనుప గడియలను - మా దేవుడే పగులగొట్టును |
| మా ముందర ఆయన నడుచును - ఈ భూమిని మేం స్వతంత్రించను (2X) |
| రహస్యమందలి ఆత్మల ధనము - ప్రపంచపు కోట్లాది జనము (2X) |
| మాకు సొత్తుగా స్వాస్థ్య ధనముగా - ఇచ్చెను ప్రభువు ఇది సత్యం ఆమెన్ |
| ...భూమి... |
| 2. |
| జలములలో బడి మేము దాటిన - అగ్నిలో బడి మేం నడచినా |
| ఏ అపాయము మా దరి చేరదు - యేసు రక్తపు కవచముండగా (2X) |
| ఎడారి నేలను సెలయేళ్ళుగా - అరణ్య భూమిని నీటి మడుగుగా (2X) |
| చేయును ప్రభువు కుమ్మరించి - కడవరి వర్షము ఇది సత్యం ఆమెన్ |
| ...భూమి... |
| 3. |
| పగలు ఎండైనా రాత్రి వెన్నెలైన - ఏ దెబ్బైన తగులనియ్యడు |
| చీకటి బాణమైనా ఏ తెగులైనా - మా గు-డారమును చేరనీయడు (2X) |
| మా పాదములకు రాయి తగులకుండగా - మా మార్గములలో మాకు తోడుండగా (2X) |
| తన దూతలకు ఆజ్ఞాపించును - మాకై ప్రభువు ఇది సత్యం ఆమెన్ |
| ...భూమి... |
| 4. |
| మాకు విరోధముగా రూపింపబడిన - ఏ ఆయుధము వర్ధిల్లదు |
| మా మార్గము అంతకంతకు - దైవ మహిమతో వర్ధిల్లును (2X) |
| మా తలలపై నిత్యానందము - మా నోటిలోను తన గీతము (2X) |
| ఉంచెను ప్రభువు అభిషేకించి - తన మహిమార్ధం ఇది సత్యం ఆమెన్ |
| ...భూమి... |
| 5. |
| సడలిన చేతులను తొట్రిల్లు మోకాళ్ళను - యేసుని పేరిట బలపరచెదం |
| తత్తరిల్లు హృదయాలను మీ ప్రభు వచ్చెనని - ధైర్యముగుండమని దృడపరిచెదం (2X) |
| సాతాను కాడిని విరగగొట్టెదం - దుర్మార్గ కట్లను మేం విప్పేదం (2X) |
| అగ్ని నుండి జనముల లాగి - ప్రభువును చూపెదం ఇది సత్యం ఆమెన్ |
| ...భూమి... |
| 6. |
| నరులను పట్టేటి జాలరులుగా మేం - దైవ రాజ్యపు వలలు విసురుతాం |
| యేసు రక్తమే పాపము కడుగునని - సర్వ లోకానికి చాటి చెప్పుతాం (2X) |
| రారాజుకు రాయబారులం మేము - క్రీస్తేసుతో జత పనివారము (2X) |
| యేసు నందలి ఆ నందమే - మాకు బలము ఇది సత్యం ఆమెన్ |
| ...భూమి... |